كأي شاب يهمه مستقبله مجهول الملامح ... نزلت الشغل
وكأي مواطن مفحوت في أرضه الحبيبة ... ركبت الميكروباص
وكأي مصري فضولي ... قعدت أضيع وقتي بالفرجة من الشباك
كان ده بعد العيد على طول - عيد الفطر عشان اللي هيقرا البتاع ده متأخر- وفي وقت مبكر
ولفت نظري -الذي يعاني من وجود بترينة أمامية لتجلب له العالم الخارجي- بشئ غريب مدهش ملفت متعجبا بأعجوبة الأعاجيب
لبس فسفوري ... لا .. ده كان لمض نايلون فسفوري
وبعد تمحيص اكتشفت - وياللأسف- إنهم مجموعة بنات لابسين حاجة كده لونها أصفر فاقع
نفضت معتقدا إنهم حبة صحاب عايزين يعملوا جو حواليهم ... أو واحدة مخلفة 5 بنات جايبلهم نفس الطقم عشان تريح دماغها ... أو يمكن جايلهم معونة ومحبوش يكسفوا ولاد الحلال
لحظة ... الست دي شكلها مخلفة كتير أوي
في اتنين هناك أهم ... وكام واحدة خارجين من معهد في شارع الهرم ... وواحدة هتركب ميكربواص ... و .... و.... و
يا نهار مش باينله لون ... الواضح والصريح إن كل أخت حفظها الله أصرت على أن تكون توأما للأخرى
وكل توأم من الأخرى أصرت تكون توأم للتوأم اللي التوأم عايزه تبقى توأمها
!!!!!!!!!!!!
الآن اتضحت الرؤية ... دي موضة جديدة ... نيولوك بناتيتي
السطحية في التفكير ... والعميان في التعبير ... معظم البنات بيصابوا بالحالتين دول مع أول ظهور للموضة
حتى لو كان المنظر مش ولا بد لدرجة إن واحدة ممكن تقعد تدور على بنتها يومين وهي قدامها في الميكروباص من كتر تشابه البنات
مجرد موضة ... تقلب شارع مصر أصفر ... وتحوله بليل أحمر ... وقبل الفجر كاروهات
مجرد موضة ... تخلي البنت ترمي الهدوم اللي لسه جايباها الأسبوع اللي فات عشان بقت موضة قديمة
مجرد موضة ... تخلي واحد يشقى طول النهار عشان يجيب لخطيبته أو مراته "هدمة" جديدة
مجرد موضة أيها الأفاضل ... تبينلك دماغ معظم البنات بتمشي إزاي ...ودائما بيكون اتجاه واحد .... رمسيس - عباسية
للأسف الشديد ... الواحد هيفضل يتحسر على حال الناس ... لحد ما "الحسرة" تبقى موضة قديمة
وكأي مواطن مفحوت في أرضه الحبيبة ... ركبت الميكروباص
وكأي مصري فضولي ... قعدت أضيع وقتي بالفرجة من الشباك
كان ده بعد العيد على طول - عيد الفطر عشان اللي هيقرا البتاع ده متأخر- وفي وقت مبكر
ولفت نظري -الذي يعاني من وجود بترينة أمامية لتجلب له العالم الخارجي- بشئ غريب مدهش ملفت متعجبا بأعجوبة الأعاجيب
لبس فسفوري ... لا .. ده كان لمض نايلون فسفوري
وبعد تمحيص اكتشفت - وياللأسف- إنهم مجموعة بنات لابسين حاجة كده لونها أصفر فاقع
نفضت معتقدا إنهم حبة صحاب عايزين يعملوا جو حواليهم ... أو واحدة مخلفة 5 بنات جايبلهم نفس الطقم عشان تريح دماغها ... أو يمكن جايلهم معونة ومحبوش يكسفوا ولاد الحلال
لحظة ... الست دي شكلها مخلفة كتير أوي
في اتنين هناك أهم ... وكام واحدة خارجين من معهد في شارع الهرم ... وواحدة هتركب ميكربواص ... و .... و.... و
يا نهار مش باينله لون ... الواضح والصريح إن كل أخت حفظها الله أصرت على أن تكون توأما للأخرى
وكل توأم من الأخرى أصرت تكون توأم للتوأم اللي التوأم عايزه تبقى توأمها
!!!!!!!!!!!!
الآن اتضحت الرؤية ... دي موضة جديدة ... نيولوك بناتيتي
السطحية في التفكير ... والعميان في التعبير ... معظم البنات بيصابوا بالحالتين دول مع أول ظهور للموضة
حتى لو كان المنظر مش ولا بد لدرجة إن واحدة ممكن تقعد تدور على بنتها يومين وهي قدامها في الميكروباص من كتر تشابه البنات
مجرد موضة ... تقلب شارع مصر أصفر ... وتحوله بليل أحمر ... وقبل الفجر كاروهات
مجرد موضة ... تخلي البنت ترمي الهدوم اللي لسه جايباها الأسبوع اللي فات عشان بقت موضة قديمة
مجرد موضة ... تخلي واحد يشقى طول النهار عشان يجيب لخطيبته أو مراته "هدمة" جديدة
مجرد موضة أيها الأفاضل ... تبينلك دماغ معظم البنات بتمشي إزاي ...ودائما بيكون اتجاه واحد .... رمسيس - عباسية
للأسف الشديد ... الواحد هيفضل يتحسر على حال الناس ... لحد ما "الحسرة" تبقى موضة قديمة
5 comments:
يشرفني اني اكون اول تعليق في المدونه الجديده ليك يا يوسف وان شاء الله تبقي مدونه جامده
بجد اللي بتتكلم فيه ده حاجة من الحاجات اللي خلاص بقت عاده
سيبك من فتره كبيره كانت فيه موجه الروز و التركواز ودلوقتي الفوسفور
بنات بتقلد تقليد اعمي عشان تبقي زي فلانه زي م قولت
وكله بيقلد كله
خلاص بقت بلد تقليد
انا بقي ميشرفنيش اكون تاني تعليق في المدونة بصراحة :kab:
كان نفسي اكون اول تعليق بما اني جاية بدري كده
من فترة كنت بسأل صاحبتي هو البنات ديما كل السنين اللي فاتت كانوا بيلبسوا زي بعض ولا انا اللي بدأت اخد بالي عشان دخلت الكلية وكده ؟
مش فاكرة اجابتها .. بس بصراحة انا نفسي فكرت في نفس الظاهرة المتخلفة دي ونفسي اعرف سببها
كل البنات يلبسوا نفس اللبس باختلاف المقاس حتي نفس الطرحة .. كلهم نسخة اتعمل منها مئات الكوبيهات
وبتبقي كوبيهات وحشة بصراحة
وطبعا مش بيقلدوا الا في الحاجات المنيلة
البديهات الكارينا ثم الفيستات اللي قماشتها بتلزق ولفة الطرحة الاسبانيش و غيره وغيره
مع اني بنت عادية والله .. بس انا مش بطيق اشوف حد لابس زيي كده .. نفس اللبس ونفس الالوان !
ايه الرخامة دي ؟
مش متخيلة احساس حد من البنات دي لما تشوف 10 ولا 20 واحدة يوميا لابسة لبسها والواناتها
ربنا يهدي
حبيت بس أقول إن اسم المدونة جميل جدا
بس عاوزين مواضيع على اسم المدونة .. وبأسلوبك يا حاج يوسف بيك وهبي
ديداوي ... سوري على الـ "ليت ريبلاي" بس انت عارف الولاد والجواز وما إلى ذلك
:P
الشرف ليا يافندم ... وشاكر تواضعك بوضع أول تعليق
^_^
جوسيان ... متشكر جدا
الموضوع فعلا بيبقى ملفت للنظر أكتر في أماكن تجمع البنات زي الجامعات
أنا عن نفسي قعدت أربع سنين صعب أعلم حد بلبس معين لأن الواضح إني عندي عمى ألوان
:P
أنس ... نورت وآنست يابو الونس
عايز مواضيع على اسمها إزاي ... أحطلك نقط يعني ؟
^^
المشكلة أنو محلات الملابس كلها نفس الموضه
لو واحده دخلت مليون محل هتلاقى نفس اللبس فى كل واحد
انا الصراحة ريحت نفسى ولبست الإسدال
بس ليه محدش بيقلدنى ؟ :D
شكرا أخي يوسف على الطرح الجميل
وفقك الله
أختك...
Post a Comment